HomeCulturaEste 6 de decembro celébranse os XII Cantos de Taberna da Pobra...

Este 6 de decembro celébranse os XII Cantos de Taberna da Pobra do Brollón

A partir das 6 da tarde deste venres celébranse os XII Cantos de Taberna da Pobra do Brollón coa participación de doce agrupacións procedentes tanto da Pobra do Brollón como doutros municipios da bisbarra.

Publicado o

POR
Redacción
- Advertisement -

Todos os grupos pasarán ao longo do serán polos seis bares do municipio: Avenida, Bar Pirata, Primeiro de Maio e Vella Taberna na Pobra do Brollón; O Fogón en Cereixa e Salanova en Salcedo. O circuíto rematará arredor das once da noite, aínda que a idea é que a música continúe polos bares a modo de ‘foliada expansiva’.

O ano pasado xa se suprimiu o remate na Casa da Cultura para favorecer que o ambiente festeiro se manteña nos locais de hostalería. Nesta duodécima edición, tras o éxito do ano pasado, repite a formación Son do Brollón, composta por nenas e nenos da Escola municipal de Música Samoeiro. É unha das tres agrupacións locais participantes, xunto con Os Somontanos e Cantareiras de Fornelas. A agrupación local Corenta e Chinco finalmente non participa debido ao accidente sufrido recentemente por un dos seus compoñentes. No seu lugar, incorpórase o grupo Abertal de A Rúa.

Doutros concellos, tamén participan tres grupos de Chantada –Searas, O Trespés e Dakidoasma–, Ministreles (Monforte), Os Bochetas (Sober), As Macizas Centrais
(Trives), Son do Mao (Bóveda) e O Recanto (Quiroga).

Dende o Concello da Pobra do Brollón, lembran ademais que continúa o Concurso de Tapas da Guimaralia, sendo este xoves, 5 de decembro o último día para degustar os pinchos e participar na votación popular.

ÚLTIMAS

Corais para dinamizar o Courel e axudar a reconstruír o ‘Museo Xan de Vilar’

Úrsula Rial é unha rapaza orixinaria de Nigrán que chegou ao Courel no 2022,...

Na madrugada do 3 de abril cortarase o subministro de auga ao núcleo de Monforte

Dende o Concello de Monforte informan da interrupción do suministro de auga durante este...

45.000€ para axudas á natalidade neste 2025 no Concello de Chantada

O Concello de Chantada convoca axudas á natalidade para este 2025 que se publicaron...

Ordenación do tráfico do 2 ao 6 de abril pola celebración das festas de Carud en Monforte

Procederase ó corte das rúa Sober e entrada á Pinguela e rúa e praza...