Poden beneficarse destas axudas os pais e nais empadroados no Concello de Chantada, que teñan ou adopten un fillo/a no período comprendido entre o 1 de xaneiro de 2024 e o 31 de decembro de 2024 e que cumpran os seguintes requisitos:
- Os pais, ou polo menos un de eles, deberán estar en situación regular en España e estar empadroados/as no Concello de Chantada cunha antelación mínima de 1 ano á data de parto ou adopción.
- Os nenos/as nacidos/as ou adoptados/as deberán estar empadroados no Concell de Chantada.
- Os solicitantes ou solicitante da axuda deberán comprometerse a seguir empadroados no Concello de Chantada, el/ela e os nenos/as, por un período de catro anos desde o nacemento ou adopción.
O alcalde de Chantada, Manuel Lorenzo Varela, asegura que o municipio é privilexiado para as familias con fillos e fillas, “Ademais da nosa contorna natural, contamos con servizos que favorecen a conciliación como o de madrugadores, as escolas deportivas ou a piscina municipal,… Con estas novas subvencións queremos axudar ás familias cos gastos no momento do nacemento e así favorecer o asentamento de poboación en Chantada”.
O prazo de presentación de solicitudes será de 4 meses dende o nacemento ou adopción. As solicitudes presentaranse no rexistro Xeral do Concello de Chantada, aportando a seguinte documentación:
- Libro de Familia e DNI ou NIE do/a solicitante, e tratándose de estranxeiros
- Documento que acredite a residencia legal en España.
- Certificado de nacemento expedido polo Rexistro Civil ou copia do auto xudicial de adopción, no seu caso.
- Certificación de titularidade do número de conta bancaria no que se recibirá a axuda.
- Declaración xurada de axudas recibidas ou solicitadas para a mesma finalidade. (ANEXO II)
- Compromiso de seguir empadroado no Concello de Chantada por un período mínimo de catro anos (ANEXO I)
- Compromiso de proceder á devolución da axuda no caso de deixar de cumprir algún dos requisitos necesarios para ser beneficiario.
- Declaración xurada de estar o corrente coas obrigas tributarias da AEAT E ATRIGA e da Seguridade Social (ANEXO II)
O procedemento de concesión de estas subvencións será o de convocatoria aberta en réxime de concorrencia competitiva. O prazo para a resolución do procedemento será de 3 meses dende a presentación da solicitude. A axuda contemplada nas presentes bases será compatible con calquera outra axuda para a mesma finalidade que poda obterse de outros organismos.
