A voceira popular, Katy Varela, explica que se pide esta información dadas as reiteradas queixas por parte da veciñanza sobre a “falta de flexibilidade” por parte do goberno de José Tomé á hora de acceder a determinadas zonas da cidade controladas por sistemas de videovixilancia para realizar tarefas “comúns e necesarias” como poden ser as de carga e descarga.

Tamén piden acceso á información relativa ao imposto de actividades económicas, ao de construcións e obras e á plusvalía do ano 2024.

“Parécenos importante pedir toda esta información xa que moito nos tememos que dende o goberno local teñen un afán recadatorio moi importante para tentar mellorar a situación das arcas municipais, todo a costa dos monfortinos”, lamenta Varela.