HomeSucesosLocalizan en Quiroga a un peregrino desaparecido hai unha semana cando facía...

Localizan en Quiroga a un peregrino desaparecido hai unha semana cando facía o Camiño de Inverno

A perda de contacto coa familia sería debida a unha avaría no terminal móbil.

Publicado o

- Advertisement -

Garda Civil localizou a un peregrino, de nacionalidade paraguaia, que se atopaba desaparecido nas inmediacións do lugar de Bendilló-Quiroga, nun tramo do camiño de inverno non accesible para vehículos a motor. Este camiño é unha variante do Camiño Francés que evita as cumes do Cebreiro, e por tanto, máis alcanzable no inverno. Segundo informan nun comunicado, os familiares do peregrino, residentes en Italia, perderon o contacto o pasado día 11 de xaneiro, tendo constancia de que se atopaba nas Medulas (León), para iniciar nese lugar o camiño de inverno en dirección a Santiago de Compostela.

Á primeira hora do día 13 de xaneiro, tras pasar dous días sen ter noticias do paradoiro do seu familiar, poñen en coñecemento das autoridades policiais de Milán que o día 12 a persoa desaparecida tiña que chegar á localidade do Barco de Valdeorras, non tendo constancia da chegada a tal localidade. A Interpol pon en coñecemento da Garda Civil estes feitos, por ser o corpo policial competente para realizar a investigación e localización deste cidadán, iniciándose unha procura incesante nas provincias de León, Ourense e Lugo, principalmente polos diferentes itinerarios do camiño e albergues de peregrinos.

Finalmente, a primeiras horas da tarde do día 13 de xaneiro, a Garda Civil de Quiroga, localiza ao peregrino nun tramo do camiño non accesible por vehículos a motor. Tras verificar que se atopaba en bo estado de saúde, os Axentes dispoñen os medios necesarios para que o peregrino se poña en contacto cos seus familiares e cesar así a angustia por non ter noticias súas. A perda de contacto sería debida a unha avaría no terminal móbil.

ÚLTIMAS

O músico quirogués Rubén Gutiérrez, ‘Peitoescuro’, prepara o lanzamento do seu traballo “Alvorada”

Pre-estrea do primeiro Sinxelo+Video 'ALVORADA', un traballo musical que ten como protagonista ao músico 'Peitoescuro'...

O gaiteiro Óscar Ibáñez ofrece en Quiroga o seu espectáculo ‘Tribal XX’

O Auditorio Municipal de Quiroga acolle este domingo un concerto do gaiteiro e flautista,...

O Polígono Agroforestal de Sabadelle poñerá en valor case 39 hectáreas de terreo en Chantada

A conselleira, acompañada pola directora xeral da Axencia Galega de Desenvolvemento Rural, Paz Rodríguez,...

Galegoza no IES de Quiroga

A deputada de Cultura, Iria Castro, o concelleiro de Servizos sociais, Participación e Dinamización...