Esperta Monforte presenta ao pleno deste luns unha moción para mudar o sistema de subvencións nominativas. A partida para esta finalidade é de 175.540€ e consideran que son asignacións a dedo que se fan sen cumplir os principios básicos de publicidade, transparencia e obxectividade.
Esperta Monforte considera que as cantidades son suficientemente importantes como para ser asignadas de forma arbitraria e piden mudar o sistema de concesión das subvencións nominativas para que pasen a ser por concorrencia competitiva.
Noutra moción esta formación política solicita a homologación das pistas de atletismo “Saleta Fernández”. Consideran que unha vez se están facendo melloras na zona deportiva da Pinguela, esta actuación pendente debería executarse.
.
