Esta acción volve un ano máis á cidade do Cabe, segundo palabras do seu xerente Ángel Folgueira, “por petición popular”. A xente quedou moi contenta o pasado ano, os nenos/as pásano moi ben co percorrido e posterior visita a un dos protagonistas do Nadal e ao mesmo tempo dinamizamos o comercio local, engade Folgueira.
Cada ticket de compra, válidos desde o 15 de decembro, dará acceso a unha viaxe para un adulto acompañado como máximo de dous nenos/as. Terase en conta para completar os vagóns a orde de chegada e só poderán acceder adultos sen nenos cando algunha das viaxes non se complete.
A localización de Papá Noel durante os días que dura a promoción, 22, 23 e 24 de decembro, as rutas e os horarios están publicados na páxina web do Centro Comercial urbano.
Localización de Papá Noel e horarios
DOMINGO 23 de decembro:
– Mañá: de 11.30h a 13.30h estará na Avda. de Galicia (zona gasolineira-xulgados)
– Tarde: de 16.30 a 18.30h estará na Praza Doutor Goyanes
LUNS 24 de decembro:
– Mañá: de 11.30h a 13.30h estará nos Chaos
– Tarde: de 16.15h a 18.15h estará na Rúa Cardenal (zona Banco Pastor)
Rutas para a visita a Papá Noel con saída e chegada na Praza España
DOMINGO 23 de decembro
– Mañá: saídas ás 11.00h, 12.00h e 13.00h (rutas para visitar a Papá Noel na Avda. de Galicia (zona gasolineira-xulgados)
– Tarde: saídas ás 16.00h, 17.00h e 18.00h (rutas para visitar a Papá Noel na Praza Doutor Goyanes)
LUNS 24 de decembro
– Mañá: saídas ás 11.00h, 12.00h e 13.00h (rutas para visitar a Papá Noel nos Chaos)
– Tarde: saídas ás 16.30h e 17.30h (rutas para visitar a Papá Noel na Rúa Cardenal)
Ángel Folgueira lémbranos tamén que do 6 de decembro ao 6 de xaneiro, os establecementos asociacios ao CCU Monforte participan na campaña provincial de dinamización do comercio local “Nadal Merca e Gaña” coa que os clientes participarán no sorteo de 10.000 euros en tarxetas agasallo de 200 a 300 euros.
