A Deputación Provincial de Lugo informa de que a partir do vindeiro mércores, 5 de marzo, quedará cortada ao tráfico a estrada LU-P-4103 no concello de Pantón, como consecuencia dos traballos de renovación do firme afectado polas obras ferroviarias incluídas no Proxecto Constructivo de Renovación de Vía do Tramo Ourense-Monforte de Lemos. Línea 810, promovidas por ADIF.

As intervencións realizaranse de luns a venres en horario diurno, co obxectivo de mellorar a seguridade e durabilidade da estrada, que se viu degradada debido ao paso de tráfico pesado inducido polas obras ferroviarias. Instalarase a sinalización viaria pertinente e habilitaranse rutas alternativas.