O centro comeza o ano adicando todo o mes de xaneiro ao mural dos bos desexos. Todas as persoas que visiten o centro poderán deixar os seus bos desexos para O Courel. A aportación ao mural poderase facer con calquera tipo de manifestación artística: poesía, debuxo, frase escrita,…
Xa entre o 2 e o 4 de xaneiro de 11.00 a 13.00, o centro acollerá un obradoiro de elaboración de xoguetes e agasallos. A actividade ten como peculiaridade que se usarán mateiriais presentes na natureza como follas, castañas, landras,…
Entre o 22 e o 25 de xaneiro, en horario de 12.00 a 13.00 celebraranse sesións de contacontos baseadas no conto “Ilda, o lobo, o corzo e o xabarín”, do poeta local Uxío Novoneyra.
O horario do centro para visitas é de martes a venres en horario de 10.30 a 14.00. Nas fins de semana e festivos, o horario é de 10.30 a 14.30 e de 16.00 a 18.00. O centro pecha os luns e os días 1 e 6 de xaneiro. Para a visita de grupos debe de contactarse con teléfono 600823416.
E mentres O Courel espera á realización dos bos desexos recollidos no mural, este final do 2018 deixa a declaración de “Patrimonio Inmaterial da Humanidade” para o arte de construción en pedra seca. Este método construtivo consiste na elevación de muros, utilizando únicamente pedras, sen ningún tipo de argamasa entre elas. Este método foi moi empregado nas zonas rurais como O Courel, para a construción de cabanas, sequeiros, valados, alvarizas,…
