A asociación asegura ser coñecedora desta situación por casualidade e trasladoulle as súas preocupacións ao alcalde, ademais de comezar coa recollida de sinaturas a través da páxina, https://www.change.org/p/non-%C3%A1s-centrais-de-biog%C3%A1s-preto-das-vivendas/dashoard .

En 24 horas recolleron máis de 500 sinaturas “nun municipio onde a poboación é maior e non está familiarizada coas novas tencnoloxías”, afirman e anuncian que están tamén coa recollida de sinaturas tradicionais para presentar no concello pedindo que se desestime este proxecto, “igual que se levou a cabo noutros lugares como Coeses e Antas de Ulla”.

“Unha central de biogás só trae cheiros e contaminación ao noso concello. Véndese como a solución ao problema dos gandeiros e das gandeiras, mais en realidade van traer lodos de depuradora e lodos industriais. Camións cheos de lixo pasando polas nosas xa deterioradas estradas a diario e por diante das nosas casas”, conclúen e anuncian que realizarán tantas accións como sexan necesarias para que non se instale unha planta de biogás preto das vivendas.