No encontro avaliouse o éxito de participación que rexistrou un ano máis a primeira destas citas, celebrada o pasado domingo co apoio do Goberno galego. A proba consta dun percorrido polo Camiño de Santiago entre os concellos de Sarria, Paradela e Portomarín.
Na reunión falaron tamén da Pretorian Race Sarria Xtreme, a carreira de obstáculos coa que tamén vén colaborando a Xunta e que celebrará a súa quinta edición o vindeiro 3 de maio. Os organizadores prevén reunir a máis de 500 persoas, chegadas dende diferentes puntos de España, nas tres modalidades coas que conta o certame: elite, carreira popular e ‘starter’.
Arias felicitou ao colectivo polo traballo que desenvolven para manter estes eventos e consolidalos no calendario deportivo da provincia, “fomentando deste xeito a práctica do deporte e contribuíndo, ao mesmo tempo, a dinamizar as economías locais, xa que reúnen a numerosos participantes e acompañantes que, a miúdo, aproveitan a ocasión para realizar visitas turísticas pola zona”.
