A vía provincial Sober- Canaval (LU-P-5901) presenta dende hai anos problemas estruturais de deterioro do firme, agravados polo paso de maquinaria pesada da obra de ADIF na estación de Canaval.
ADIF arranxou recentemente o tramo dende o centro de Canaval ata ponte sobre a vía, pois comprometérase a arranxar a estrada cando remataran as obras. Pero todo apunta a que o resto da estrada ata Sober vai continuar deteriorada, “pois ADIF non a vai arranxar e non existen obras provinciais previstas”.
O tramo máis estragado da estrada atópase á altura de Sistín do Mato, pola escorrentía de augas dende a ladeira contigua. Por iso, dende Agroma Sober solicitanun proxecto de mellora da estrada LU-P-5901 (Sober-Canaval) que contemple unha solución estrutural para este tramo inundable á altura de Sistín do Mato.
“Estamos a unha semana da Feira do Viño e ese tramo é perigoso, podendo provocar rebentóns de rodas. Nin sequera ten sinais de perigo específicas no punto máis problemático e, co aumento do tránsito pola feira, pode haber problemas viarios”, insisten desde Agroma Sober.
