Esta semana o rexedor local, José Luís Rivera, presentaba a camiseta realizada para celebrar o legado do poeta courelao e o afecto que lle tiña a esta terra e á Feira do Viño, da que foi pregoeiro na súa primeira edición en 1980.
Na camiseta está presente a mítica frase da carta que Uxío Novoneyra escribiu en 1956, “Quiroga é un viño” e a firma do autor que irán na parte do frente e os logos oficiais da Feira do Viño de Quiroga e a Fundación Novoneyra na parte superior traseira.
A realización desta camiseta forma parte do calendario de homenaxes que se está a facer dende a área de Turismo a Novoneyra, e que concluirá coa celebración do Roteiro literario de Quiroga e a colación do seu fito dentro da ruta.
Dende a conta de Instagram da Concellería de Turismo publicouse un video para promocionar a cita e a súa camiseta que estará á venda, ata fin de existencias, no stand de información situado no recinto da feira.
Camiseta Feira do Viño 2025 / Concello de Quiroga
