O recorrido do Quiroga Bike Marathon levará aos  ciclistas a unha espectacular paisaxe pasando por  puntos como  As Eiras, as Terras Negras, Reboledo, o Rego das Forcadiñas ou o Alto do Boi.

A proba para a que están abertas as inscricións consta de dúas distancias:

– Bike Marathon: de 45km e 1400 metros de desnivel positivo

– Bike Extreme: de 67km. con 2400 metros de desnivel positivo

Na proba, que non será federada, pódese participar de forma individual ou en parella. Na modalidade de parella hai varias categorías: Masculina, cando a suma das idades dos compoñentes do equipo sexa inferior ou igual aos 80 anos; Veteranos, cando esa suma supere os 80 anos; Feminina, cando as súas compoñentes sexan mulleres; ou Mixta, cando os compoñentes do mesmo equipo sexan de distinto sexo.

As inscricións estarán abertas na web do evento quirogabikemarathon.com ata o 2 de setembro, pero con diferentes prezos: ata o 31 de marzo, 27 €; entre o 1 de abril e o 31 de xullo, 30 € e do 1 de agosto ao 2 de setembro, 35€.