A concellería de Medio Ambiente de Monforte vai proceder á recollida de plásticos agrícolas o vindeiro luns 28 de maio dende a primeira hora da mañá e ao longo de todo o día, facéndoo coincidir na época onde se xeran máis residuos derivados do ensilado da herba.
As parroquias onde se vai actuar son,
Marcelle, no campo da festa
Santa Mariña de Caneda, no campo da Pousa
Bascós e Sindrán, no local social de Bascós
Reigada e as Fontes de Reigada, na Praza Mourelo
Piñeira
A Parte e Valverde, no campo da festa de Proveiros
Chao do Fabeiro, no campo da festa
Moreda, San Xoán San Xulián e Seoane, no local social de San Xoán de Tor
Fiolleda, na estrada de Currelos e en,
Baamorto, no campo de fútbol
Os plásticos deberán depositarse atados e dobrados para facilitar o seu manexo e evitar a súa dispersión ao longo da fin de semana nos puntos sinalados anteriormente.
Igualmente, estes plásticos pódense eliminar o resto do ano levándoos ao Punto Limpo de Monforte.
