O Concello de Monforte e COGAMI acordaron a elaboración dun Plan de Accesibilidade e Auditoría de edificios públicos e parques. O contrato adxudicóuselle á empresa CombinaXestión Social S.L.por un importe de 10.000 euros e un prazo de entrega de 5 meses.

Para o equipo de goberno o Plan de Accesibilidade é un instrumento útil porque vai a axudar a detectar os problemas de accesibilidade da cidade do Cabe e a visualizar os vicios e as solucións mal propostas.

Outras iniciativas deste goberno por mellorar a accesibilidade en Monforte foron a colocación dun tramo de pavimento de granito en forma de rampla, cunha pendente do 10%, na Casa da Cultura, para o acceso desde a  Praza de España. Anteriormente existía una excesiva inclinación: do 25 por cento, o que dificultaba o acceso ao edificio. Mellorouse tamén o acceso aos aseos, habilitouse un baño para persoas con discapacidade e instalaouse un ascensor para as instalacións. A obra supuxera un investimento de preto de 25.000 euros. No Mutiusos habilitouse o ascensor que levaba 15 anos sen funcionar e instaláronse ramplas e varandas no Centro Cívico.

O concello de Monforte tamén mellorou a accesibilidade coa habilitación de rebaixes nas beirarrúas en máis de medio cento de pasos de peóns.