HomeCulturaXincana Infantil pola Igualdade, descubrindo mulleres pola rúas de Chantada

Xincana Infantil pola Igualdade, descubrindo mulleres pola rúas de Chantada

Case un cento de rapaces/zas dos colexios Xoán de Requeixo e Eloísa Rivadulla de Chantada participaron esta semana na Xincana pola Igualdade, descubrindo mulleres polas rúas de Chantada. Celebrábase así a última das actividades programadas este ano pola concellaría de Igualdade do Concello de Chantada con motivo do 8M.

Publicado o

POR
Redacción
- Advertisement -

A xincana, que se organiza por segundo ano, desenvolveuse polas rúas de Chantada, onde 6 grupos acompañados polos seus monitores competían por superar os distintos retos, que os levaban por cuestións como; Cantas adegueiras hai das 18 adegas da subzona de Chantada? Que rúas están adicadas a mulleres da nosa vila? Tivemos algunha alcaldesa?

A actividade remataba na Praza do Cantón onde os/as nenos/as participantes recibían os correspondentes agasallos. Pamela Fernández, a concelleira de Igualdade destacaba o éxito desta proposta, “Levamos dous anos celebrando a xincana infantil pola igualdade e tanto alumnado como profesorado trasládannos a súa satisfacción coa actividade por achegar os valores da igualdade e do papel feminino a través do xogo, ao tempo que coñecemos máis da nosa vila. Hoxe ademais o clima acompañounos e deunos un broche perfecto para completar a programación do 8M en Chantada.

Xincana infantil pola igualdade / Concello de Chantada

Campamentos Infantís de Semana Santa

Durante esta Semana e Santa e co obxectivo de contribuír á conciliación familiar en tempada de vacacións, a concellaría de Igualdade tamén organizou campamentos infantís coa opción de servizo de madrugadores.

80 nenos e nenas participaron das actividades que se desenvolveron en horario de mañá, os días 14, 15, 16 e 21 de abril.

Os obradoiros dos campamentos estiveron impartidos pola empresa local Velaísca, que tamén guiou a xincana deste xoves.

Xincana infantil pola igualdade / Concello de Chantada

ÚLTIMAS

Ximena Prats e Noa Díaz reciben as medallas do COE ao mérito deportivo

As piragüistas do Club Quixós, Noa Díaz e Ximena Prats, xa teñen nas súas...

Vendaval do 19 ao 22 de novembro en Monforte, A Pobra do Brollón e Ferreira de Pantón

O calendario ábrese cunha proposta especial que vincula a creación audiovisual coa gastronomía, seguida...

Éxito total do ‘Saborea e canta o outono’ cunhas 250 persoas participantes

O evento dinamizador da hostalería do sur de Lugo "Saborea e Canta o Outono"...

Máis de 70 deportistas participaron no Cross Escolar do Circuíto das Lamas en Monforte

Na competición participaron nenos e nenas procedentes dos concellos de Monforte de Lemos, Quiroga,...