Gloria Prada, en representación do Equipo de Goberno, saudou ás xogadoras e desexou que acadaran o mellor resultado no Campionato Preeuropeo. As 16 xogadoras que estaban nunha das súas sesión de adestramento liderada polo seleccionador español, Juan Carlos Suárez, agradeceron o xesto de cariño e manifestaron o seu entusiasmo ante a competición.
Este sábado enfróntanse as seleccións de Finlandia e Italia, ás 17:00 h, e as seleccións de España e Austria ás 19:30 h. Na derradeira xornada do domingo terán lugar os encontros entre Austria e Finlandia ás 17:00 h. e España e Italia as 19:30 h.
Este evento deportivo organizado pola Federación Española de Voleibol e que conta co patrocinio do Concello de Monforte que aporta una subvención de 15.000 €, supón entre outras cousas, a posta en valor do Pavillón Polideportivo Municipal de A Pinguela que grazas á reforma da que foi obxecto no ano 2023, ten a capacidade de albergar eventos internacionais destas características.
Tamén supón unha importante promoción do voleibol nun Concello como o de Monforte que conta cun gran número de practicantes que realizan a súa actividade no Club Korbis e no C.V. Ribeira Sacra que á súa vez, colaboran activamente na organización do campionato.
A entrada é completamente gratuita e dende o Concello de Monforte animan a que se acheguen ó Pavillón Municipal da Pinguela para desfrutar desta competición e para animar á selección a que acade os mellores resultados posibles.
