A Xunta de Goberno da Deputación de Lugo avanzou este pasado venres na contratación de diferentes traballos de mellora e acondicionamento da rede viaria provincial cun investimento propio de preto de 6 M€.

No que respecta á zona Sur de Lugo na Pobra do Brollón adxudicouse a obra de mellora dos últimos oito quilómetros da LU-P-4702 á empresa Fevisa Vías y Obras SL nun prezo de 435.600€. Trátase da vía que une os lugares de Vilachá e A Estación por Rozavales.

Os traballos, que se realizarán do punto quilométrico 2,5 ao 10,8, terán un prazo de execución de mes e medio; consistirán na mellora da drenaxe, a pavimentación con aglomerado en quente e sinalización; e servirán para mellorar as comunicacións da veciñanza de Vilachá de Salvadur, A Eirexa e Salgueiros.