Dende hai uns días xa se coñece a obra gañadora do certame de carteis para anunciar a X edición da Feira Guímara que organiza o Concello da Pobra do Brollón.
O autor da mesma é o artista Iago López, un veciño de Fornelas que ademais do mérito de ser o creador da imaxe gráfica que representará o evento, recibirá un premio de 200 euros.
A OBRA
O cartaz gañador representa a revolta guímara, amosando que o creador coñece ben a Feira, pois inclúe unha representación do enfrontamento entre Guímaros e representantes dos Condes de Lemos. Pero ademais, o deseño incorpora o lema “Denantes sen pé que de xeonllos”, inspirado pola historia de Lope de Ferreiros, quen foi acusado de instigar a sublevación veciñal contra o Conde de Lemos, polo cal como castigo cortóuselle un pé sen que mediase xuízo ningún.
Sete foron as propostas que se presentaron ao concurso. En segundo posto quedou a recibida baixo o pseudónimo de ‘Sacho’, e en terceiro, a de ‘Maruxa Castaña II’. Aquí os deseños:
