Vitoria García Fernández, de 4 de ESO do IES Lama das Quendas, é a autora da imaxe elixida este ano para a difusión da festa, unha intervención en cor sobre unha imaxe antiga do Folión. Ademais de figurar no cartel, a súa obra mostrarase nunah exposición en Chantada, xunto a outra ducia de debuxos tamén presentados á convocatoria.

O acto de presentación, que se celebrou no centro educativo, contou coa presenza de representantes da Asociacion de Amigos do Folión de Carros, profesorado e alumnado do centro, representes do Concello de Chantada, da Xunta de Galicia e da Vicepresidencia da Deputación Provincial, que colaboran na organización desta festa tradicional que contribúe a a preservar a nosa cultura, a nosa historia e a nosa identidade colectiva, “unha oportunidade para que as novas xeracións coñezan as súas raíces nun ambiente de festa e comunidade”, destacan.

O Folión de Carros, declarado Festa de Interese Turístico galego, celébrase en agosto coincidindo coas Festas Patronais de Chantada.

Folión de Carros presentación cartel 2025 / Vicepresidencia Deputación