O 30 de xaneiro celébrase o Día das Ilustración, coincidindo co día de nacemento de A. Daniel Rodríguez Castelao. Por tal motivo a biblioteca do concello de Sober centra as Merendas con Contos na lectura e as cores, coa celebración de dous obradoiros. O venres día 11 celebrarase un obradoiro de creación libre dirixido por Ángeles de Prado Díaz. Ademais, desde este venres ata o 31 de xaneiro contarase cunha mostra pictórica da monfortina Ángeles de Prado.
Xa o os venres 18 e 25 desenvolverase a actividade, “Imos crear un conto”, trátase dun obradoiro de creación dun conto Kamishibai: A xoaniña e o Piñeiro de Josefa Contijoch e Luis Filella. As actividades desenvólvense os venres en horario de 16.00 a 19.00.
Tamén hai propostas na aula de informática, o día 11 cun obradoiro de Playcómic, o 18 obradoiro de mecanografía e o 25 desenvolverase un taller para navegar seguros pola nube.
