A Festa da Mocidade de Taboada, que marca o comenzo das Festas Patronais da localidade lucense, contará este ano cun cartel encabezado pola banda de Ribeira, Heredeiros da Cruz. Xunto a eles actuarán tamén Quinkillada, Os Residuos Atractivas, Rastreros e The Palangans.

Como é tradición, a Festa da Mocidade Taboada finánciase coa axuda dos patrocinadores e a venda das camisetas. O prezo aboado pola camisola inclúe tamén cervexa, calimocho e a cea (bolo preñado, empanada e tarta Ancano de chocolate). “A festa, que celebrou a súa primeira edición no 2017, é unha xornada festiva de xuntanza entre amigos e amigas, coa música en galego como referente”, din dende a organización.

As camisetas pódense mercar no Café Bar Mario, Café Santa Lucía, Bar Devezo, ScalaTaboada, Bar Rian e en Distribucións Casa Guillermo. Custan 16 euros ata o 31 de xullo, e 19 € a partir dese día.

PRESENTACIÓN OFICIAL

A edición deste 2025 presentarase de xeito oficial o vindeiro mércores, 30 de xullo, ás 12:00 horas no Campo da Feira de Taboada. O acto contará cos representantes das entidades patrocinadoras: Concello de Taboada, Presidencia da Deputación de Lugo, Vicepresidencia da Deputación de Lugo e Delegación da Xunta de Galicia en Lugo.