Os traballos de desbroce nas parroquias de Monforte abranguen unha superficie de actuación de 95 hectáreas de camiños. O Concello adxudicou a contratación bianual deste servizo por un importe de 43.997,80 euros, polo que a cada ano lle correspondería un total de 22.000 euros.

Os traballos consisten na roza mecánica da maleza ata obter un galibo libre de 5 metros, por ámbalas dúas marxes das vías, camiños e superficies de titularidade municipal. Empréganse 3 tractores agrícolas e forestais, que están compostos de desbrozadora lateral e arrastrada.

Refórzase a realización destas tarefas, con traballos que está levando a cabo a empresa FCC concesionaria do servizo de limpeza viaria do Concello. Con todo preténdese mellorar a seguridade e circulación de vehículos e de peóns polos camiños e entornos rurais, así como facilitar o acceso ás casas e ás fincas.

“A previsión que se fixo dende o inicio da campaña de desbroces do Concello de Monforte tiña como obxectivo rematar todos os traballos de desbroce a principios do mes de agosto, dado que este é un mes onde normalmente recibimos un maior número de visitantes, e onde as temperaturas son mais altas e polo tanto, supón unha garantía na protección contra o risco de incendios”.