Haberá dúas sesión gratuítas. A primeira o venres a partir das 20,00 horas no Meigallo, que acollerá os concertos de Saha & Rvu, Alison Darwin, De Ninghures e Meigas e Trasgos; a segunda o sábado desde as 13,00 horas no escenario Don Pepe, con Montedapena, Vecinos e Grande Osso.
Este último será un dos protagonistas dos concertos da noite de novo no Meigallo, xunto a El chico López, Shego, Ortiga, Louband e Cala Vento. Neste caso será necesario acceder con entrada e as portas abriranse ás 19,30 horas.
Colaboran con esta cita a Vicepresidencia da Deputación de Lugo e A Xunta de Galicia. O delegado territorial de Lugo, Javier Arias, destacou “a proxección conseguida con só sete edicións de traxectoria, sumando nesta ocasión unha ducia de actuacións de artistas e converténdose nun referente da música indie na provincia”.
Efrén Castro amosou o apoio da Vicepresidencia da Deputacion ao festival, “unha mostra máis do dinamismo e da enerxía da mocidade e do tecido asociativo e hosteleiro de Sarria” e encadrou a colaboración co festival “no apoio que as áreas da Vicepresidencia ofrecen ao tecido asociativo, ao tempo que se impulsa a presenza de bandas galegas en festivais e citas musicais ao longo de todo o territorio”.
