Segredos de Pantón vén de anunciar unha nova andaina cultural baixo o nome de “Coñecendo as telleiras de Pantón”, actividade que está programada para o vindeiro 16 de agosto e que dará comezo ás 10:00 h.
“Nesta actividade achegarémonos a unhas das nosas xoias do patrimonio industrial, as telleiras. Deste xeito iremos ata a telleira do Baliño (St. Mª de Ferreira) e á telleira da Bastida (Mañente), esta última unha das máis antigas conservadas na contorna”, comentan dende a entidade como resumo da camiñada histórico-cultural. Xente da propia asociación fará de guía facilitando información sobre as devanditas telleiras.
O punto de encontro será a telleira do Baliño (10:00 h.), diante do velatorio do Castro de Ferreira, e logo haberá que coller os coches particulares para chegar ata a telleira da Bastida (Mañente).
A actividade é de balde e pódense facer as inscricións polos seguintes medios.
Por correo: segredosdepanton@gmail.com
Tlf: 662 669 223 (Lucas Vázquez)
A través da mensaxería das redes sociais: Instagram ou Facebook
