O novo contrato do servizo de xestión integral do autobús rural de Monforte, ten un prazo de duración de 10 anos e tendo en conta que o maior investimento se ten que facer ó poñer en marcha o servizo, xa que hai que contar coa inversión que hai que facer na compra do autobús no que se realizará o servizo.
Este tipo de transporte en autobús, permitirá aos veciños e veciñas do rural desprazarse facilmente á cidade, contribuíndo á loita contra o despoboamento e facilitándolle a vida a poboación máis vulnerable e con máis dificultades de mobilidade. Por ese motivo, tal e como afirma o Alcalde “hoxe para min é un día moi importante porque cumprimos un compromiso de dotar ás parroquias de Monforte dun novo servizo de transporte público, accesible a todos os cidadáns, novo, moderno, adaptado e que trata a todo o mundo por igual porque é gratuíto. Deste xeito, cumprimos o noso comprmiso e cumprimos coa palabra dada”.
Outra cuestión importante é que ó remate dos 10 anos de contrato, o autobús pasa a ser propiedade do Concello. A vantaxe que terá esta circunstancia para o futuro é que, cando se faga un novo contrato, o servizo sairá máis barato debido a que xa non haberá que mercar o autobús porque a vida útil é superior ós 10 anos, e polo tanto non será necesario pagar a cota de amortización do autobús.
O novo autobús vai rotulado coas cores corporativas e un deseño que o identifica como autobús de transporte urbano de viaxeiros de Monforte de Lemos. A súa cor é o vermello porque destaca máis e porque o primeiro bus que houbo en Monforte tamén era desa cor.
Os horarios do servizo de Bus Rural será de luns a venres laborables dende as 8:00 da mañá ata as 15:00 h.
Rutas, percorridos e paradas
-Cada día laborable, de luns a venres, realizarase unha das rutas previstas, incluíndo traxecto de ida e volta, conforme ao seguinte esquema operativo:
1ª RUTA
- Rozavales.
- Vilamarín.
- Caneda.
- Santa Mariña.
- Estación de RENFE
- Estación de Autobuses
- Hospital
- Estacionamento Parque dos Condes
2ª RUTA
- A Penela
- Nocedas
- Gullade
- Guntín
- Marcelle
- Estación de RENFE
- Estación de Autobuses
- Hospital
- Estacionamento Parque dos Condes
3ª RUTA
- Distriz
- A Vide
- MoredaSan Xoan de Tor
- San Xulián de Tor
- Estación de RENFE
- Estación de Autobuses
- Hospital
- Estacionamento Parque dos Condes
4ª RUTA
- Fiolleda
- Baamorto
- Chao do Fabeiro
- Seoane
- Estación de RENFE
- Estación de Autobuses
- Hospital
- Estacionamento Parque dos Condes
5ª RUTA
- Sindrán
- Bascós:
- Chavaga
- Reigada
- Estación de RENFE
- Estación de Autobuses
- Hospital
- Estacionamento Parque dos Condes
5ª RUTA Bis
- Valverde
- A Parte
- Estación de RENFE
- Estación de Autobuses
- Hospital
- Estacionamento Parque dos Condes
O día que se realice a Ruta 5, unha vez finalizado o viaxe das parroquias de Sindrán, Bascós, Chavaga e Reigada, fará un segundo percorrido ás parroquias de Valverde e A Parte, denominándose ésta a Ruta 5 bis. O percorrido de volta de cada ruta será á inversa do realizado á primeira hora da mañá.
