O escrito recolle críticas fundamentadas “por vulneración de dereitos e incumprimento de normativa vixente, tanto a nivel estatal como europeo”. As alegacións refírense principalmente ao dereito de acceso á información e transparencia e solicítase acceso inmediato ao expediente administrativo completo, foliado e certificado.

Quéixanse da falta de planificación territorial enerxética: incumprimento da Lei 7/2021 e da Directiva (UE) 2023/2413 por non contar cunha cartografía nacional de renovábeis nin delimitación de zonas de exclusión e aceleración e da Violación da normativa ambiental: exencións e redución de prazos na avaliación ambiental contrarias ao Convenio de Aarhus e á lexislación europea.

Detectan Riscos graves nos proxectos de almacenamento con ausencia de avaliación de riscos de incendio, explosión e contaminación e critícase a Falsa urxencia e ausencia de interese público, aseguran que as medidas que reducen prazos e eliminan controis ambientais afectan á saúde, ao medio ambiente e á participación cidadá. A urxencia tamén ten que ver coa Vulneración do dereito á participación pública, reducindo á metade os prazos legais e excluíndo trámites de avaliación ambiental.

As principais solicitudes de IGV teñen que ver con:

• Suspensión do trámite de información pública ata o 15 de setembro de 2025.
• Remisión do expediente completo.
• Reformulación integral do proxecto con planificación territorial previa e control parlamentario.
• Paralización inmediata de proxectos que impliquen expropiacións inxustificadas sobre terras agrícolas produtivas.