A idea desta proposta é que coidar non é só “axudar”, senón implicarse. Será unha sesión práctica e participativa, na que persoas adultas, nenos, nenas e adolescentes van conversar sobre os papeis de xénero que aprendemos e sobre como os homes poden estar máis presentes nos coidados. O obxectivo é que cada persoa se sinta parte da responsabilidade diaria e poida contribuír ao benestar do seu fogar.
Dinámicas como «Quen coida aquí? Isto tamén vai contigo» serán o punto de partida para abrir o diálogo, romper hábitos e construír unha igualdade real a través do coidado compartido.
A actividade vai estar guiada pola educadora social, Paula Santos e tamén se vai celebrar en Guntín o sábado, 13 de setembro e na Raíña o sábado día 20. A actividade é gratuíta e está aberta a quen queirar participar.
