Esta cita cunha tradición milenaria, que comezará ás 00:00h é Festa de Interese Turístico de Galicia e Ben de Interese Cultural. A celebración promovida pola Asociaclón Cultural As Fachas conta cunha achega de 4.000€ da Axencia de Turismo, a través das axudas para o apoio, promoción e difusión das festas declaradas de Interese Turístico de Galicia.

Durante a xornada do domingo haberá diferentes actividades, como unha visita guiada polos esgrafiados da zona, unha ruta turística e cultural pola parroquia de Castelo e unha cea previa á subida ao Castro para desfrutar do espectáculo do acendido das fachas.

Ademais, a Consellería do Mar desprazará á praza de Riazón unha das foodtrucks da campaña, Galicia sabe amar , que abrirá de 12,00 a 15,00 e de 17,30 a 20,30 horas. No posto ofreceranse degustacións gratuítas de tapas elaboradas con peixe e marisco galego e con alimentos de proximidade. O obxectivo deste programa da Xunta é promocionar o consumo dos produtos do mar de Galicia.