O convidado desta charla será Rubén Gutiérrez “Peitoescuro”, cantautor e enxeñeiro agrícola madrileño asentado no lugar das Covas. Contaralles aos rapaces e rapazas a súa historia persoal, de como chegou a Quiroga e como foi aprendendo o galego ata o punto de empregalo incluso para a súa carreira musical. A continuación, o alumnado poderá intervir e preguntarlle o que considere; e para rematar, Rubén interpretará algúns temas do seu repertorio.
Este luns, 22 de setembro, haberá dúas sesións: ás 10:30 para o alumnado do CEIP de San Clodio e ás 15:30 para o alumnado do CEIP de Quiroga. E o día 1 de outubro a charla – coloquio desenvolverase ás 10:00 para o alumnado do CPI Uxío Novoneyra de Folgoso do Courel e ás 12:50 para os alumnos do Instituto de Educación Secundaria de Quiroga.
A actividade conta co patrocinio da Consellería de Cultura, Lingua e Xuventude da Xunta de Galicia.
