O responsable local do BNG no Saviñao, Carlos de Vilacaiz, afirma que “a falta de docentes é algo que evidencia o desleixo e tratamento inapropiado con estes centros de quen ten as competencias exclusivas en educación no noso país”.

O BNG do Saviñao asegura que os dous centros presentan eivas evidentes en varios ámbitos, polo que da man do/a deputado/a Iago Suárez Fernández e Cristina Fernández Davila, reclaman no Parlamento de Galicia, a actuación urxente do Executivo galego, en concreto da Consellaría de Educación, para corrixir a falta de docentes.

Aseguran que no CPI Dr. López Suárez non se cubriu a praza dunha docente e que as e os profesionais dos centros encóntranse sobre pasados de carga de traballo, algo que redunda negativamente na calidade educativa que se ofrece á rapazada, “non por culpa do cadro de persoal que dá o mellor de si cada día do curso académico, senón pola deixadez do Goberno galego nesta materia”.

“Non podemos menos que esixir á Consellaría que actúe á maior celeridade posíbel e que non deixe no desleixo a estes dous centros”, conclúe o portavoz do BNG no Saviñao.