O Partido Popular provincial de Lugo consultou cos presidentes do PP de Monforte dende os últimos 20 anos e co presidente do comité electoral local na procura dun candidato de consenso de cara ás vindeiras eleccións municipais. A consulta deu como resultado a elección de José Miguel González Lemos, quedando fóra os nomes barallados ata o momento, a portavoz Julia Rodríguez Barreira e o empresario Roberto Eireos.
O novo candidato será presentado oficialmente este sábado en Monforte nun acto que contará coa presenza de cargos do Partido Popular de Galicia e da provincia.
José Miguel González naceu no 81, Licenciado en Medicina e Ciruxía pola USC, desde o 2010 traballa como médico de urxencias extrahospitalarias de Atención Primaria no PAC de Monforte.
