O prazo de presentación de solicitudes estenderase durante 10 días hábiles a contar desde o día seguinte á publicación no BOP, que se fará en vindeiras datas.
Estas axudas económicas están dirixidas a aqueles deportistas individuais que, como mínimo, teñan participado no campionato de España, campionato de Europa ou campionato do mundo propio da modalidade deportiva durante o período obxecto da presente convocatoria. Concretamente, as persoas solicitantes poderán presentar, no marco desta convocatoria, os méritos deportivos conseguidos entre o 1 de outubro de 2024 e o 30 de setembro de 2025.
Terán a consideración de deporte de carácter individual todos aqueles deportes que, segundo a súa regulamentación, son practicados de xeito individual. Así, non se considerarán participacións individuais os relevos nin as probas coordinadas ou sincronizadas nas que actúe simultaneamente máis dun integrante do mesmo equipo.
A partida destinada a esta convocatoria é de 10.000 euros e o importe máximo da bolsa que se outorgará a cada un dos posibles beneficiarios é de 600 euros.
REQUISITOS DE PARTICIPACIÓN E SOLICITUDES
Todos os requisitos para poder beneficiarse destas bolsas están detallados na páxina web do Concello de Monforte así como tamén o acceso ás instancias para facer as solicitudes unha vez que estean as bases publicadas no BOP.
