O festival comeza o venres 17 ás 20:00 horas coa apertura de portas na sala Litmar, onde media hora despois abrirán o programa os galegos Battosai. As actuacións do sábado terán lugar desde as 13:00 horas no escenario Xacobeo situado na Unión, e a partir das 20:30 horas regresarán ao primeiro escenario.

Anabel Lee, Battosai, Beach Avenue, Bum Motion Club, Joe Crepúsculo, Ezezez, La Habitación Roja, Las Dianas, Las Prisas, Mujeres, Oh Hiroshima, ParquesSVR, Sara Zozaya e Viva Belgrado compoñen o cartel, que se completa cos djs Cholas, Javier LG, John Axiom e Pálida.

O festival sarriao chegará así ao seu décimo aniversario, unha década de traxectoria na que se converteu nunha cita imprescindible no calendario musical galega cunha proposta musical que mestura nomes consolidados e novas promesas da escena independente.

O Concello de Sarria, a Vicperesidencia da Deputación de Lugo e a Xunta de Galicia apoian un ano máis o Esmorga Fest. A actividade forma parte dos Concertos do Xacobeo e o delegado territorial, Javier Arias felicitou aos organizadores por “alcanzar a décima edición como un referente consolidado entre os festivais de música alternativa de maior calidade do panorama nacional”.

O Esmorga Fest agradece o apoio de todos os seus patrocinadores. Pola súa banda desde a Vicepresidencia, Efrén Castro referiuse ao Esmorga Fest como un dos principais activos culturais de Sarria, “pola súa proxección en Galiza e no resto do Estado e pola vontade de involucrar á veciñanza na celebración cos concertos na Unión, que abren o festival a un publico moi diverso”.

O recinto do festival en La Unión acollerá tamén unha exposición artística “Cuchillo y espada” e un posto de de complementos cuxas vendas se destinarán a famílias palestina da franxa de Gaza.