A Consellería do Medio Rural informa de que o incendio forestal do concello de Pantón, parroquia de Cangas, quedou extinguido.

O lume, que se iniciou ás 01.46h deste domingo, afectou finalmente unha superficie de arredor de 31 hectáreas, das cales 20 corresponden a monte arborado e as 11 restantes a raso, segundo as últimas medicións.

Para a súa extinción mobilizáronse, de xeito acumulado, 5 axentes, 8 brigadas, 5 motobombas e 1 pa.

Está a disposición da cidadanía o número de teléfono gratuíto 085, ao que deben chamar en caso de detectar algún lume forestal. Ademais, existe un teléfono anónimo e gratuíto para denunciar calquera actividade delituosa incendiaria da que se teña sospeita ou coñecemento: 900 815 085.