As actuacións que vén de licitar Adif, súmanse ás de supresión de 36 pasos a nivel no mesmo tramo e á electrificación do traxecto Monforte-Lugo. As obras obxecto desta licitación buscan optimizar as condicións de explotación comercial do traxecto no que respecta á seguridade, o confort e os tempos de viaxe. Os traballos a realizar están asociados, detalla Fomento, “ás condicións e futuros parámetros de explotación en alta velocidade que se expoñen para o traxecto Ourense-Monforte de Lemos-Lugo”.

En canto á supresión dos 36 pasos a nivel, en outubro adxudicábase a redacción do proxecto por un importe global de 1.816.991,53. En fase de redacción están os proxectos de electrificación do tramo de 17 quilometros Monforte-Lugo. “Deste xeito, conseguirase un incremento na potencia de tracción das circulacións ferroviarias e, xa que logo, a redución dos tempos de viaxe entre Ourense e Lugo”, indican desde Fomento.

O Ministerio engade que se atopa en fase de licitación tamén, a subministración e transporte de máis de 500.000 toneladas de balasto para a renovación do tramo Ourense-Monforte-Lugo.