Co obxectivo de mellorar a empregabilidade nas comarcas de Chantada e Terra de Lemos, a Fundación “Acción contra el Hambre” coordinará unha formación gratuíta e certificada que homologa para poder traballar no sector da construción denominada: Curso Básico en Prevención de Riscos Laborais na Construción (PRL).
A duración será de 60 horas das cales 20 son presenciais e 40 horas son online (polo que se necesita dun computador, móbil ou tableta para a súa execución). Para poder recibir a certificación oficial deberanse completar as dúas partes da formación.
As clases presenciais serán de 5 horas (de 9:05 a 14:00 h.) os martes 11 de novembro: Inicio e presentación do profesorado. Explicación do funcionamento da plataforma; 18 e 25 de novembro: Seguimento: e 2 de decembro: Fin do curso e peche.
O resto das horas (40) serán online en asíncrono (sen limitacións) con titorías e seguimento dos participantes por parte da empresa formadora.
