A guía é unha obra divulgativa clara e comprensible, pero con contidos igualmente completos e rigorosos, para quen queira iniciarse no mundo da macromicoloxía en xeral e da lucense en particular.

Inclúense fichas fotográficas con minuciosas descricións de 202 especies, a maioría frecuentes na provincia, e nas observacións das fichas coméntanse ata 384 especies máis.

O libro dá moita importancia aos conceptos básicos que todo afeccionado debe coñecer para avanzar con seguridade no coñecemento do mundo dos fungos; identificación, toxicidade e comestibilidade, así como uns apuntes de lexislación. Abre cun capítulo dedicado ás características climáticas e medioambientais que conforman a riqueza da provincia de Lugo