A asociación cultural “Segredos de Pantón” informa da organización dunha actividade consistente nun percorrido entre as carballeiras e devesas do Concello de Pantón para tentar atopar diferentes clases de cogomelos e coñecer máis sobre eles. A actividade micolóxica farase baixo a dirección de Urbano, veciño de Guítara, refiren dende a entidade organizadora.
A saída será o vindeiro domingo 23 de novembro ás 10 h. e o punto de encontro a igrexa de Següín. O grupo que se pretende formar será de 30 prazas como máximo, e a xente que queira participar deberá anticipar o pago de 2 euros á hora de inscribirse. Segundo indican tamén dende a asociación, “en caso de non poder acudir estes cartos non serán devoltos”.
MEDIOS DE CONTACTO PARA FACER A RESERVA E ADIANTAR OS 2 EUROS
-Teléfono: 673 221 241 (Manuel) / 662 669 223 (Lucas)
-Correo electrónico: segredosdepanton@gmail.com
-Redes Sociais: Instagram e Facebook.
