Os nacionalistas manifestaran xa no seu día, que de contruírse unha ponte, sería importante que aceptade tráfico rodado, “co incendio de setembro evidenciouse máis esta necesidade, xa que de ter existido, as carrocetas, ambulancias e demais servizos de emerxencia poderían moverse con rapidez”, aseguran desde o BNG.
Aproveitaron os nacionalistas para facer constar en acta que o lugar da Barca é do municipio de Pantón, “sempre e cando non se acredite documentalmente o contrario”, algo que poñen en dúbida xa que “o único que existe é un acordo de servizos”. Baséanse os pantoneses na inexistencia do Acordo do Consello da Xunta, e na falta do acordo Plenario de Pantón cedendo a Sober esa parte do territorio municipal.
“O que está claro é que se historicamente era noso, e non existe o expediente de alteración dos límites municipais, nin os acordos citados, non pode ser de Sober, son eles quen deberán acreditalo documentalmente. Defendemos a división histórica e os límites municipais de Pantón e reclamamos que de facerse a ponte teña tráfico rodado”, conclúe a
portavoz municipal do BNG, Rosa Ana Prieto Florines.
