A competición, organizada pola asociación Os Carro x Catro e o Concello de Sarria, conta con medio milleiro de persoas inscritas nas modalidades de todoterreo, quads, buggies e motos.

Os participantes farán un percorrido turístico por diferentes enclaves dos municipios de Sarria, Samos, O Incio e A Pobra do Brollón. Ademais, o domingo haberá probas de habilidade no polígono do Morelle.

A directora territorial da Consellería de Emprego, Comercio e Emigración, Carmen José López felicitou a asociación promotora pola traxectoria desta cita, cun éxito crecente cada ano.