Na visita á Gandaría Quintián, o delegado territorial destacou, que se trata dunha empresa en expansión “que aposta pola innovación e pola transformación para xerar valor engadido”. A firma comercializa a súa propia leite pasteurizada e distintos tipos de queixo.

O delegado gabou o impulso de Chelo López e Julio López ao fronte da empresa, “modernizando as instalacións e diversificando a produción con criterios de calidade e sostibilidade para que sexan máis rendibles”. Ao respecto, destacou o apoio do Goberno galego neste proceso ao abeiro de varias convocatorias de axudas dos últimos anos.

Os Plans de mellora da Consellería beneficiaron no pasado exercicio a 90 explotacións da provincia, 29 das cales corresponden á comarca de Sarria e suman unha contía de 4,2 millóns de euros.

A este respecto convócanse outros programas de achegas, como os que priman a incorporación de mozos e mozas á actividade agraria para favorecer a remuda xeracional, unha convocatoria dotada con 36 millóns de euros neste 2025