A Vicepresidencia da Deputación de Lugo promove un ano máis a presenza de tradición propias nas datas de Nadal co espectáculo “A apalpadora”, que se representará en 40 localidades ao longo deste mes de decembro.
No espectáculo de narración oral e música en directo, Antía Vázquez – a filla do Apalpador – e o musico André Espiñeira contan ás crianzas a historia desta figura do Nadal, transmitida a través da tradición oral, especialmente na zona do Courel e do oriente ourensán, e revitalizada na última década grazas ao impulso de asociacións e colectivos culturais de todo o país.
Por sexto ano a Vicepresidencia da Deputación organzia esta actividade que dá resposta ao interese cada vez maior das asociacións de nais e pais e das asociacións culturais, especialmente de concellos e parroquias rurais que buscan ofrecer actividades nestas datas.
Próximas citas na zonas sur:
- Xoves, 11 de decembro, na Galiña Azul de Chantada. 11.00 horas
- Venres, 12 de decembro, no CEIP Virxe do Carme de Sober. 9.45 horas
- Venres, 12 de decembro, no CEIP Plurilingue Monte Baliño de Pantón. 11.30 horas
- Martes, 16 de decembro, no CEIP de Oural en Sarria. 9.45 horas
- Martes, 16 de decembro, no IES A Pinguela de Monforte.13.00 horas
- Domingo, 21 de decembro, no CEIP Eduardo Cela Vila. Triacastela. 16.00 horas
- Domingo, 21 de decembro, na Antiga Biblioteca de Samos. 17.30 horas
- Martes, 23 de decembro, no Círculo do Saviñao. 18.00 horas
