As obras de adaptación dos espazos e a instalación do equipamento tecnolóxico previsto xa se completou. O proxecto Aula Tech Beauty ten por finalidade dotar ao centro dun espazo formativo avanzado e plenamente adaptado ás esixencias actuais do sector, incorporando tecnoloxías de última xeración como sistemas de diagnóstico cutáneo e capilar con intelixencia artificial, realidade virtual e aumentada, software profesional de xestión e deseño, así como equipamento técnico especializado para o desenvolvemento da práctica profesional.
Aula Tech Beauty / IES A Pinguela
A reorganización integral das aulas destinadas á formación en estética permitirá que este novo espazo entre en funcionamento co inicio das clases tras as vacacións de Nadal, momento no que o alumnado comezará a empregar de maneira efectiva estas instalacións.
Con esta posta en marcha, o IES A Pinguela reforza o seu compromiso coa innovación, coa excelencia na formación profesional e coa adecuación permanente dos seus recursos ás necesidades emerxentes do ámbito da Imaxe Persoal.
Aula Tech Beauty / IES A Pinguela
