O Club de Piragüismo Quixós segue colleitando éxitos. Nesta ocasión fíxoo da man das súas promesas e nunha competición que os levou ata o Concello de Tomiño. A zona recreativa fluvial da Pedra, a carón do emblemático río Cereixo, foi o escenario que acolleu a diferentes clubs galegos para competir na Copa David Castro de Promoción Slálom, unha proba que leva o nome dun piragüista local que foi un dos fundadores do clube deportivo Miño-Teixugos de Tomiño e que perdeu a vida no ano 2010.
O río Cereixo levaba un caudal baixo e, como característica principal del, é de percorrido longo e con bastante separación entre portas. Con todo, os deportistas que se desprazaron do Quixós fixeron moi boas mangas. En concreto, 5 foron os metais acadados facendo posible que o club quedase como primeiro na clasificación por equipos.
MEDALLAS INDIVIDUAIS
En categoría benxamín, Juan Baquero levou un ouro en K-1; en alevín Breixo Fernández acadou prata en C-1 e Manuel Rodríguez prata en K-1; e en infantil; finalmente Xoel Fernández acadou dous ouros, en C-1 e K-1 respectivamente.
