Segundo informou o Instituto Armado, ás 11,45 horas deste mércores foi detido na localidade de Monforte de Lemos un veciño desta localidade como presunto autor dun delito de roubo ocorrido o pasado mes de xaneiro nunha vivenda situada no término municipal dos Peares e un delito de hurto ocorrido o pasado ano en Pantón.

Na investigación policial foron intervidos diversos obxectos supostamente relacionados con este feito, xoias, pedras preciosas e moedas antigas, material pertencente aos perxudicados e valorados en 4.000 euros. A persoa detida será posta a disposición xudicial, sinalou a Benemérita.