Renfe vén de modidicar o horario do Alvia Lugo–Madrid, que saía da capital lucense ás 11:15h, e adiántao ás 5:18h, o que supón unha nova oferta madrugadora para mellorar a conexión entre Galicia, Castela e León e Madrid. Para optimizar a oferta da alta velocidade deste corredor, Renfe reorganizará tamén outros servizos da conexión Galicia-Madrid.

O adianto do Alvia ás 5:18h permitirá aos lucenses viaxar a Madrid e regresar no mesmo día, ademais de ofrecer unha nova opción de mobilidade madrugadora para os viaxeiros de estacións intermedias como A Gudiña ou Sanabria AV. Desta forma, Renfe reforza a conexión territorial e maximiza a eficiencia operativa do servizo Galicia-Castela e León-Madrid.

O servizo de Lugo manten as paradas habituais do seu percorrido en Galicia, con cambios horarios: ás 5:44h, en Sarria; ás 6.10, en Monforte de Lemos; ás 6.52 en Ourense e ás 7:44h, na Gudiña. En Castela e León segue con paradas en Sanabria AV ás 8:04h, Zamora ás 8.39h e Medina del Campo ás 9:13h. A chegada a Madrid está prevista ás 10:13h.

Este axuste horario permitirá unha mellor mobilidade de primeira hora da mañá, permitindo aos lucenses viaxar a Madrid en horario de mañá e regresar no mesmo día, para poder atender as viaxes para xestións laborais ou administrativas. Á súa vez, Renfe dá outra opción matinal ao total das estacións intermedias, facilitando a viaxe neste tren madrugador aos viaxeiros da Gudiña, en Galicia, e das estacións do percorrido en Castela e León, onde Renfe ofrecerá horarios de primeira hora aos sanabreses para chegar a Zamora antes das 9 da mañá, fronte ao horario actual que era moi pouco utilizado.