A comitiva partiu da Casa do Concello arredor das 10.30 horas para asistir, ás 11.00h, á misa na honra da Virxe de Montserrat, na Igrexa de San Vicente do Pino. A Eucaristía foi presidida polo Vicario de Pastoral do Obispado de Lugo, Luis Manuel Rodríguez Pérez, e polo párroco monfortino, Rafael Mella e contou, como é tradición coa presenza das camareras da Virxe e membros da súa confraría.
Trala celebración eucarística, tivo lugar a procesión coa imaxe da Virxe, que este ano, debido ao vento e a posibilidade de chuvia, realizouse polo adro da igrexa de San Vicente. Tralo percorrido, o alcalde renovou os votos coa Patroa da cidade e procedeuse á tradicional bendición dos campos, para regresar novamente ao interior do templo.
“Dende que eu son alcalde, comprometinme a manter esta importante tradición dos monfortinos e monfortinas na honra á nosa Patroa, a Virxe de Montserrat, e así fixen este Martes de Pascua, no que renovei os meus votos e comprometinme a seguir celebrando tanto esta festividade como a do 15 de agosto, Día da nosa Patroa”.
