Varias representantes de “As Comadres das Letras” presentarán o seu colectivo de escrita cun recital de textos das súas obras Contármonos (2023) e Cereixas roubadas (2025), publicadas pola editorial Alvarellos.

As Comadres das Letras xorden no 2022 en Santiago de Compostela. Este grupo en clave feminista constitúese durante dous obradoiros literarios de Eli Ríos, organizados pola Asociación de Escritores en Lingua Galega e o concello de Santiago. As autoras teñen distinta procedencia xeográfica e diversas circunstancias persoais. Algunhas delas contan con publicacións individuais ademais dos libros colectivos.