Hai arredor de 600 participantes inscritos -un tercio deles, mulleres- e todos deberán realizar un percorrido de arredor de 7 quilómetros con 40 obstáculos, se ben establécense tres categorías segundo o nivel de esixencia. A maioría dos deportistas participarán na modalidade “Popular”, na que poden recibir axuda doutros corredores; na “Starter” e na “Elite” non está permitido e estes últimos deben superar todos os obstáculos.

A competición está organizada por Pretorianos Club e conta novamente co apoio, entre outras entidades, do Goberno galego, da Vicepresidencia da Depuración de Lugo e do Concello de Sarria. O delegado territorial da Xunta, Javier Arias destacou a colaboración da Xunta coa iniciativa, “que promove a actividade física e estilos de vida saudables, ademais de ser un motor de dinamización local que posiciona a Sarria no mapa deste tipo de competicións”.